لـــــــــيه كل الناس بتتكلم على كل الناس
لــــــيه عايشة حياتها بتتسلى بكلام وخـــــــــــــلاص
حتى أنا أوقات بتاخدنى حالات واهمس بحاجات ولا ليها أساس وكلام وخلاص
لــــــــيه كل الناس بتتكلم على كل الناس
(اللى ميعرفش يعرف ان اللى فوق دى اغنية ل أصالة )
دى مش ظاهرة ده وباء كل الناس بجد بتتكلم على كل الناس مش مجرد كلام ده نقد مستمر ومش بيوقف كل ما تكلم حد يقولك أصل الناس بقت بتاعت مصلحتها اوى الناس بقوا ماديين الناس بقت عديمة الأخلاق
الأخـــــــــــــــــلاق؟؟
تفتكروا الأخلاق دى انى اقول حضرتك وسعادتك ولا انى اتكلم بهمس وبأدب وأن صوتى ميطلعش ولا تكونش الأخلاق دى أنك تكون عندك باقة القيم زى الصدق والامانة والاخلاص والوفاء وانك تكون متجنب الكذب والنفاق والذمة الواسعة لو دى الاخلاق يبقى محدش عنده أخلاق لأن مفيش حد عنده هذه القيم مطلقة يعنى على طول صادق وعمره ماكذب أو حد عمره ما خان أو باع بكيفه أو الظروف أجبرته
فى ظنى الشخصى جدا أن الأخلاق انك تكون بتعمل اللى مقتنع بيه تمام الاقتناع بغض النظر عن صحته أو خطأه أنك تكون متسق مع تناقضاتك
أنك متلويش رقبة الحق عشان تريح ضميرك انك تعمل الغلط وأنت عارف أنه غلط أن يبقى عندك مبدأ ومنهج متبعه وكمان والأهم أن تكون أنت الرقيب على تصرفاتك وتقدم مبررات لنفسك وليذهب العالم الى الجحيم
من الأول أنا كنت بتكلم عن كلام الناس عن الناس
الغريب فالموضوع ده بجد انك متوقفش مع واحد الا لما يشتكى م الباقى بمعنى أن كل الناس كويسين وكل الناس التانين وحشين والأغرب أن الناس الأولانين والتانين واحد
الظاهر والله أعلم أن الناس كلها عندها ايمان بأنها غير مرئية اذا هى ملاك طيب مين ابو شوكة وديل فالقعدة دى ماهو أكيد فى حد شرير ومفضلش الا أنا متكلمتش يبقى أنا السبب
طيب تعالو نفترض فرض خيالى جدا
لقيت نفسك قاعدة قدامك
نفسك بقت شخص قاعد قدامك هتحب تعرفه؟ هتنتقده وتقول عليه بتاع مصلحته وعديم الأخلاق؟هتحكم عليه حكم سريع من مظهره؟
هتعامله زى مابتعامل بقيت الناس؟هتحس بالظلم لما يحكم عليك من غير ما يفتش جواك الأول؟

دايما هقولها انظر في المرأة قبل أن تنظر في وجه أخيك

الله يا بشموهندس توبيك تحفه وصريح وجرىء

بس انت نسيت شىء مهم جدا

الشىء ده هو عدو النفس

(((((((((( الضمير )))))))))))))

هو ده دفاع الشر داخل الانسان

واللى بيخليه يلزم حدوده مع الناس اللى بيتكلم عليهم

وطبعا فى الاخر معاك حق لان محدش هينتقد نفسه زى مبينتقد الاخرين

انتى والله تستهلى كل خير يا شيماء
ومرسى ليكى على المشاركة
هو دة عيب الشعب المصرى مش بيبطل كلام
ومفيش فعل
لما الواحد خلاص
انتى تعملى لحاجة علشان ترضى ضميرك
عارفة اية اللى هيتقال دة بيعمل كدة علشان يبين انة حلو
مش يشجعك على كدة لا
كل اللى بيعملة انة مش بيبطل كلام
ومش يقلد اى واحد يعمل حاجة حلوة لا دة كدة بالنسبالة وحش
انما اى واحد بيعمل حاجة غلط تلقية معاة
ودة كدة اية 100                 100
ربنا يسطر علينا

هقلك ليه .
عشان الحسد و الغيرة و الحقد .
ناني علي .

ممكن
كل دى اسباب